earth hour


sa dapit diin gilantaw ko ang kalibotan

pagkalayo...

gikan dinhi sa pulang yuta matod pa

dunay kinabuhi

ang pagtadlas sa kawanangan

ang imperno sa atmosphere

ang langit sa mga batong miamag

nga ginganlan og bituon

duna ba gyoy kinabuhi

ang pakigsayod sa laing kinabuhi

kalibotan gawas sa kalibotan

kamatayon human sa kamatayon

nga dili halayo sa akong pagtuo

dinhi...

sa akong lawom nga pag-inusara

 

Comments

Post a Comment

Popular posts from this blog

Kining Hikot sa Atong Hawak

Image
  Kining Hikot sa Atong Hawak  ni Jovanie B. Garay   Gihiktan nato ang atong hawak Sa tanud nga kita ray nasayod Ug nanuroy kitang duha sa plasa Sa dapit diin namungingi ang unang biyuos sa rosas Ang usa ka dupa nga atong gilay-on Maoy gintang sa atong panaad Bisan pa og hasmagan sa hawak sa katilingban (kay kuno ang atong gipasibaw gugma-gugma lang Pagbating mipilit nga gatas ngilit sa atong wait) Mangatawa gihapon tas ilang tinguha—sa ilang mga bahakhak Human nila gitadlas sa pagkabugto ang atong hikot Kita ray nasayod, kita ray mitakdo Namangon kitang duha ug namapha sa atong mga pangos Apan dihay hawak nga sapsingon puti ug lawom Nakahuna-huna kong badbaron kanang imong hikot Kay namituon ang lungag sa dagom nga gisursi sa iyang pusod Sa akong pagbadbad, imo akong gitutokan Ug imo akong gitunolan sa gunting nga ako ray nasayod        
Read more

Ang Yawa Tumoy sa Atong Dila

Image
  Ang Yawa Tumoy sa Atong Dila Ni Jovanie B. Garay (2 nd place in LUDABI-Valencia Tigi Sinulatay 2020)     “Yawa, kinsa ba gud ning yawaa ni? Nakalimot gyod kos iyang ngan!” matod pang Pangulong Duterte sa usa sa iyang mga pakigpulong diha atubangan sa taga medya. Ug midugang siya: “Kabalo mo, kaming mga bisaya, sa yawa ra mi taman. Kanang akong “ putang-ina”, di man na gikan namong mga Bisaya. Ila na sa mga Batange ñ o nga among nakat-onan sa mga gagmay pa mi.” Mipahiyom siya. Kaming mga Bisaya, duna gyod miy dila sa Yawa. Motuo kag sa dili, kining dilaa maoy among lumad nga kaliwat. Kining klase sa pagpamalikas, diha na ni tumoy sa among dila sukad pa kaniadto. Gani, mao na kini ang among kulturanhong kabilin gikan sa among mga katiguwangan. Apan mao lagi, dunay mga langyaw sa among kultura nga naa namo dinhing taga Mindanao. Wala pa gyod sila makaila unsa kadaghan ang among mga pamalikas dinhi. Gikan sa pisteng yating animal nga kolerang buang paingon sa ...
Read more

Mikunot Na Ang Adlaw

Image
d inhi ning gamayng isla isabwag ko ang akong kamtangan nga dili ug dili gyod maangkon sa uban dinhi ning islaha ko ikupot ang akong karaang gamot aron dili ug dili ako hikalimtan dagan ug tuyok sa panahon sugdan ko niining lumot nga maoy saksi sa tanang lakang  sa akong milahutay nga kinabuhi uban sa mga balas sa baybayon nga maoy midapig kanako sa akong mga pag-antos aron sud-ungon ko ang pahiyom sa adlaw igo na ang akong kabatan-onan diin wala gyod gihikaw kanako karon nga nia na ako sa akong pagsalop akong mga sanga moalok nas yuta akong mga dahon paliron nas hangin   hain na ba kamo kay mikunot na ang adlaw og pinaabot kaninyo    
Read more