Inig Salipod sa Bulan
Inig Salipod sa Bulan Ni Jovanie B. Garay inig salipod sa bulan mokambiyo ang tuyok sa kalibotan mouwang ang mga irong nag-atong gawas sa simbahan manglupad ang mga sal-ing ug uwak sa udtong tutok inig salipod sa bulan maglatagaw ang imong anino ug mahisalaag ngadtos biniyaang sam-ang diin gikudlit sa piniyalan ang imong ngalan diha sa naglutawng lapida inig salipod sa buwan molugwa ang imong kalimotaw sa ngitngit, sa ngiob nga dalan diin ikaw nag-inusarang nagpaabot motibook ang adlaw ug diha-diha, dunay bugnawng huyohoy sa hangin mokawras sa mga bag-ong subol sabuhok likod sa imong tingkoy